कञ्चनपुर, ९ असोज ।
कञ्चनपुरमा हजुरबुवालाई हराएर नाति नेपाली कांग्रेस गाउँपालिका सभापतिमा निर्वाचित भएका छन्। शनिबार बेलडाँडीमा सम्पन्न भएको निर्वाचनमा हजुरबुवा पृतबहादुर विष्टलाई ८ मतले हराउँदै गजबहादुर विष्ट सभापति बनेका हुन्।

निर्वाचनमा खसेको ८५ मतमध्ये गजबहादुरले ४५ मत पाए । यी दुई एकाघरका हजुरबुबा र नाति भने होइनन् । तर एउटै खलकका भने हुन् ।

यस्तै सो पालिकामा टीकासिंह खड्का ४३ मत र ठगना राना ४० मतका साथ उपसभापतिमा निर्वाचित भए। यस्तै सचिवमा विजयी धनबहादुर रोकाया र सचिवमा कुलैराज उपाध्याय विजयी भए। सहसचिवमा भने देशुराम चौधरी र नरेशसिंह धामी विजयी भए ।